Կառավարման ֆակուլտետ

Ֆակուլտետի մասին

Հայաստանի պետական տնտեսագիտական համալսարանի կառավարման ֆակուլտետը ձևավորվել է 1979 թվականին` ճյուղային տնտեսագիտության ֆակուլտետի հենքի վրա: Այն սկզբնապես անվանվել է աշխատանքի տնտեսագիտության և կազմակերպման ֆակուլտետ, իսկ Կառավարում անվանումը ստացել է, երբ Միջազգային տնտեսական հարաբերություններ մասնագիտությունը տեղափոխվել է տնտեսության կարգավորման և միջազգային տնտեսական հարաբերությունների ֆակուլտետի կազմ: 

Ֆակուլտետում ուսուցումը կազմակերպվում է առկա և հեռակա ձևերով: Ուսման տևողությունը առկա բակալավրիատում 4 տարի է, առկա մագիստրատուրայում` 2, հեռակա բակալավրիատում` 5, հեռակա մագիստրատուրայում` 2,5 տարի:

Ֆակուլտետում բակալավրիատի ծրագրով մասնագետներն են պատրաստվում Կառավարում, Պետական և մունիցիպալ կառավարում, Հակաճգնաժամային կառավարում, Զբոսաշրջության կառավարում, Ձեռնարկությունների տնտեսագիտություն և կառավարում, Աշխատանքի տնտեսագիտություն մասնագիտություններով:

Մագիտրատուրայում մասնագետներն են պատրաստվում Կառավարում, Ֆինանսական կառավարում, Բանկային կառավարում, Գործարար կառավարում, Պետական և մունիցիպալ կառավարում, Հակաճգնաժամային կառավարում, Կրթության կառավարում, Ձեռնարկությունների տնտեսագիտություն և կառավարում, Ձեռնարկատիրական գործունեության կազմակերպում, Աշխատանքի տնտեսագիտություն, Աշխատանքային իրավունք մասնագիտություններով:

Դեկանատ

 Կառավարման ֆակուլտետի կազմում ընդգրկված ամբիոնները`

• Կառավարման ամբիոն

Վարիչ՝ Յուրի Միքայելի Սուվարյան, ՀՀ ԳԱԱ ակադեմիկոս. տնտեսագիտության դոկտոր, պրոֆեսոր

• Միկրոէկոնոմիկայի և ձեռնարկատիրական գործունեության կազմակերպման ամբիոն

Վարիչ՝ Միքայել Սերգեյի Մելքումյան, տնտեսագիտության դոկտոր, պրոֆեսոր 

• Աշխատանքի տնտեսագիտության ամբիոն

Վարիչ՝ Պետրոսյան Մարտիրոս Երվանդի, տնտեսագիտության դոկտոր, պրոֆեսոր 

• Հակաճգնաժամային և զբոսաշրջության կառավարման ամբիոն

Վարիչ՝ Նելլի Հայկազի Շահնազարյան, տնտեսագիտության թեկնածու, դոցենտ 

• ՅՈՒՆԵՍԿՕ-ի կրթության կառավարման ամբիոն

Վարիչ՝ Ներսես Այվազի Գևորգյան

• Բարձրագույն մաթեմատիկայի ամբիոն

Վարիչ՝ Արկադի Նիկոլայի Հայրապետյան, ֆիզիկամաթեմատիկական գիտությունների թեկնածու, դոցենտ

• Օտար լեզուների ամբիոն

Վարիչ՝ Սուսաննա Ավետիքի Չալաբյան, բանասիրական գիտությունների թեկնածու, դոցենտ

Հասցե՝ ՀՀ, ք. Երևան, 0025, Նալբանդյան 128, Հայաստանի պետական տնտեսագիտական համալսարան, Կառավարման ֆակուլտետ

Հեռ.՝ (+37410) 52 94 41

Էլ. փոստ՝ e.ghazaryan@asue.am