Սիրելի՛ ուսանողներ, թանկագի՛ն գործընկերներ,
Այսօր սեպտեմբերի 1-ն է, գիտելիքների օրը: Մեզանից յուրաքանչյուրն անափ ուրախություն է ապրում, քանզի նոր ուսումնական տարին դիմավորում ենք հարազատ մեր կրթօջախում, մեր նոր բարեկամներով` առաջին կուրսեցիներով շրջապատված: Թույլ տվեք Ձեր բոլորի անունից սրտանց բարեմաղթանքներ հղել մեր առաջին կուրսեցիներին, շնորհավորել նրանց, ցանկանալ ուսումնական հաջողություններ և սիրով ասել. Բարով եք եկել Ձեր երազանքների գիտելիքների տունը` Հայաստանի պետական տնտեսագիտական համալսարան, և հիշեցնել, որ ձեզանից յուրաքանչյուրի համար ուսումնառության ամենակարևոր հաղթանակը գիտելիքով ձեռք բերված հաղթանակն է լինելու: Հավատում եմ ձեր այդ հաղթանակին:
Սիրելի՛ բարեկամներ, մեզանից ամեն ոք գիտե, որ երիտասարդ սերնդի կրթությունը և դաստիարակությունը յուրաքանչյուր ազգի հուսալի ապագայի կարևոր պայմաններից է, եթե ոչ գլխավոր երաշխիքը, քանզի կյանքի բոլոր ոլորտներում գիտելիքներն ու հմտություններն սկսվում են ուսուցանելուց և ուսանելուց: Դրանից զատ կարևոր է Ձեր ներաշխարհի ու ազգային նկարագրի ձևավորումը` հիմնված մեր հավատքի և ազգային արժեքների վրա: Հավատում ենք, որ հանձինս Ձեզ մենք տեսնում ենք մեր տնտեսության վաղվա ղեկավարներին, փորձառու ու հմուտ տնտեսագետներին: Կարևորելով գիտելիքների դերը` ես հավաստիացնում եմ Ձեզ, որ ուսումնական տարում կլինեն կրթական որոշակի փոփոխություններ` ուշադրություն կդարձնենք ոչ թե ուսանողների քանակին, այլ ուսուցման որակին, ամեն ինչ կանենք, որ Դուք ըստ պատշաճի խորը և կայուն գիտելիքներ ձեռք բերեք, ուսումնական գործընթացն ունենա ժամանակի պահանջներին համահունչ ուսուցման բովանդակություն:
Ուսումնական տարին սկսվում է` զուգադիպելով Հայաստանի Հանրապետության ծննդյան 20-ամյակին. հաստատակամ եղեք Ձեր երազանքի ճանապարհին; Թո'ղ հաջողությունները լինեն Ձեր կյանքի ուղեկիցները: Բարի երթ եմ ցանկանում բոլորիդ և ուսումնառության խաղաղ օրեր:
31 դեկտեմբեր, 2011թ. - ՀՊՏՀ ռեկտոր Կորյուն Աթոյանի Ամանորի ուղերձը (տեսանյութ)
27 դեկտեմբեր, 2011թ. - ՀՊՏՀ ռեկտոր Կորյուն Աթոյանի ելույթը ՀՊՏՀ պաշտոնկան կայքի շնորհանդեսին
29 նոյեմբերի, 2011թ. - ՀՊՏՀ ռեկտոր Կորյուն Աթոյանի խոսքը «Բիզնեսի կազմակերպում» ամբիոնի պրոֆեսոր, նախկին ռեկտոր Լևոն Վարդանյանի ծննդյան հոբելյանին նվիրված մեծարման հանդիսավոր արարողությանը
29 նոյեմբերի, 2011թ. - ՀՊՏՀ ռեկտոր Կորյուն Աթոյանի խոսքը «Էթիկան և բիզնեսը 21-րդ դարում» խորագիրը կրող Երիտասարդ տնտեսագետ ուսանողների միջազգային 5-օրյա գագաթնաժողովին
21 նոյեմբերի, 2011թ. - ՀՊՏՀ ռեկտոր Կորյուն Աթոյանի խոսքը «Էկոնոմ պլյուս» հանդեսի 10-ամյակին նվիրված միջոցառմանը
17 նոյեմբերի, 2011թ. - ՀՊՏՀ ռեկտոր Կորյուն Աթոյանի ուղերձը ուսանողության միջազգային օրվա կապակցությամբ
Սևաստապոլի բանկային գործի ինստիտուտը հրավիրում է մասնակցելու ամառային դպրոցի աշխատանքներին
