Հայաստանի պետական տնտեսագիտական համալսարանը հիմնադրվել է 1930 թվականին և անցել է կազմավորման մի քանի փուլ:
1975 թվականին ձևավորվել է որպես ինքնուրույն միավոր` Երևանի ժողովրդական տնտեսության ինստիտուտ, ապա Երևանի պետական տնտեսագիտական համալսարան:
1995թ. սեպտեմբերից ՀՀ կառավարության որոշմամբ նոր ուսումնական տարին բուհը մեկնարկել է նոր մասնաշենքում` Նալբանդյան 128 հասցեում և բուհի 4 ֆակուլտետները միավորվել են մեկ հարկի տակ: Միայն Քանաքեռ-Զեյթուն վարչական շրջանում է պահպանվել մասնաշենքերից մեկը:
2006 թվականին վերանվանվել է «Հայաստանի պետական տնտեսագիտական համալսարան» պետական ոչ առևտրային կազմակերպություն (այսուհետ` ՀՊՏՀ):
Բուհն իր գոյության ընթացքում տվել է ավելի քան 30.000 շրջանավարտ:
Համալսարանի 6 ֆակուլտետներում ընդգրկված է 31 ամբիոն (21-ը` մասնագիտական, 10-ը` ոչ մասնագիտական):
Դասախոսում են` 1 ՀՀ ԳԱԱ ակադեմիկոս, շուրջ 40 գիտության դոկտոր, ավելի քան 40 պրոֆեսոր, ավելի քան 140 գիտության թեկնածու, դոցենտ, շուրջ 90 ասիստենտ, ավելի քան 100 դասախոս և համատեղությամբ 60-ից ավելի բարձրակարգ մասնագետ, 18 մասնագիտությամբ և բազմաթիվ մասնագիտացումներով բուհում սովորում են ավելի քան 7000 ուսանող:
Համալսարանում իրականացվում է բակալավրիատի առկա (2005 թվականից` նաև հեռակա) 2004 թվականից մագիստրատուրայի առկա (2009 թվականից նաև` հեռակա) ուսուցում: Բակալավրիատի առկա և հեռակա, մագիստրատուրայի առկա ուսուցումն իրականացվում է կրեդիտային համակարգով:
Համալսարանն ունի նաև ասպիրանտուրա` առկա և հեռակա ուսուցմամբ: Ասպիրանտական կրթությունը 2010-2011թթ. ուսումնական տարվանից նույնպես անցում է կատարել կրեդիտային համակարգի:
ՀՊՏՀ-ն կրթական և գիտական կապեր ունի աշխարհի բազմաթիվ համալսարանների հետ:
Սևաստապոլի բանկային գործի ինստիտուտը հրավիրում է մասնակցելու ամառային դպրոցի աշխատանքներին
