Կառավարման ֆակուլտետ, Ֆակուլտետներ

Կառավարման ֆակուլտետ

Ֆակուլտետի մասին

Հայաստանի պետական տնտեսագիտական համալսարանի կառավարման ֆակուլտետը ձևավորվել է 1979 թվականին` ճյուղային տնտեսագիտության ֆակուլտետի հենքի վրա: Այն սկզբնապես անվանվել է աշխատանքի տնտեսագիտության և կազմակերպման ֆակուլտետ, իսկ Կառավարում անվանումը ստացել է, երբ Միջազգային տնտեսական հարաբերություններ մասնագիտությունը տեղափոխվել է տնտեսության կարգավորման և միջազգային տնտեսական հարաբերությունների ֆակուլտետի կազմ:

Ֆակուլտետում ուսուցումը կազմակերպվում է առկա և հեռակա ձևերով: Ուսման տևողությունը առկա բակալավրիատում 4 տարի է, առկա մագիստրատուրայում` 2, հեռակա բակալավրիատում` 5, հեռակա մագիստրատուրայում` 2,5 տարի:

Ֆակուլտետում բակալավրիատի ծրագրով մասնագետներն են պատրաստվում Կառավարում, Պետական և մունիցիպալ կառավարում, Հակաճգնաժամային կառավարում, Զբոսաշրջության կառավարում, Ձեռնարկությունների տնտեսագիտություն և կառավարում, Աշխատանքի տնտեսագիտություն մասնագիտություններով:

Մագիտրատուրայում մասնագետներն են պատրաստվում Կառավարում, Ֆինանսական կառավարում, Բանկային կառավարում, Գործարար կառավարում, Պետական և մունիցիպալ կառավարում, Հակաճգնաժամային կառավարում, Կրթության կառավարում, Ձեռնարկությունների տնտեսագիտություն և կառավարում, Ձեռնարկատիրական գործունեության կազմակերպում, Աշխատանքի տնտեսագիտություն, Աշխատանքային իրավունք մասնագիտություններով:

Դեկանատ

Էդգար Ֆերդինանդի Ղազարյան տ.գ.թ., դոցենտ	դեկան, պաշտոնավարում է 2011թ. հուլիսի 1-ից
Սամվել Ազատի Գրիգորյան, դոցենտ	դեկանի տեղակալ
Մերի Վազգենի Բադալյան տ.գ.թ., դոցենտ	դեկանի տեղակալ
Լենա Ալեքսանդրի Մակարյան	ավագ գործավար
Ջուլիետա Բաբկենի Սահակյան	գործավար
Գայանե Ստյոպայի Հակոբյան	գործավար
Արմինե Ռուբիկի Ղարիբյան	գործավար